Hrafnkeli Dwight Batson hefur verið dæmdur í 12 mánaða fangelsi fyrir ýmis brot. Eitt þeirra vakti þó sérstaka athygli í sumar. Þann 25. júlí rændi hann karlmann við Fjölbrautarskólann við Ármúla.
Maðurinn hugðist selja Breitling-úr, sem yfirleitt eru mjög dýr enda lúxusvara, en Hrafnkell neyddi hann til að afhenda sér úrið. Hrafnkell hótaði honum með eftirlíkingu af skammbyssu.
Auk þessa var Hrafnkell dæmdur fyrir að hafa stolið eftirvagni í Hafnarfirði annars vegar og hins vegar bifreið sem stóð kyrrstæð á bílastæði Dominos við Dalbraut. Hann ók henni svo áleiðis austur Sæbraut hann stöðvaði á bifreiðastæði Orkunnar skammt vestan við Langholtsveg þar sem hann yfirgaf bifreiðina.
Í viðbót við þetta var Hrafnkell ítrekað gómaður akandi undir áhrifum fíkniefna, svo sem kókaín, MDMA og metamfetamíns.
