Úlfar Lúðvíksson, formaður Lögreglustjórafélags Íslands, segir lögreglustjórana afar ósátta við störf Haralds Johannessen ríkislögreglustjóra og hafi sú óánægja staðið lengi. Úlfar segir andann hjá lögreglunni vera djúpstæðan og telur hann Harald skyggja á það embætti sem hann gegnir.

Frá þessu var greint í kvöldfréttatíma Stöðvar 2 og segir þar að átta af níu lögreglustjórum hafa lýst yfir óánægju sinni á Haraldi. Vantraust af þessari stærðargráðu er fordómalaus á Íslandi að sögn Úlfars og bætir hann við að Haraldi hafi boðist starfslokasamningur í sumar sem hann ákvað að ekki þiggja.

Þá segir Úlfar mikla óánægju hafa myndast innan lögreglunnar í kjölfar viðtalsins við ríkislögreglustjóra, sem birtist í Morgunblaðinu á dögunum. Úlfar kveðst hafa rætt við Áslaugu Örnu Sigurbjörnsdóttur dómsmálaráðherra um málið og var mjög skýr á fundi við hana. Hann segir Áslaugu vera vel meðvitaða um hvað hefur farið fram.

Úlfar segir:

„Við lögðum spilin á borðið á fundi með Áslaugu Örnu. Ég lít svo á að ríkislögreglustjóri sé óstarfhæfur … Hann nýtur ekki trausts.“

Úlfar talar fyrir hönd átta af níu lögreglustjóra. Sá níundi er Ólafur Helgi Kjartansson lögreglustjóri á Suðurnesjum, en samkvæmt fréttastofu neitar hann að taka þátt í yfirlýsingunni.