Þorbergur nokkur hefur verið dæmdur í 45 daga skilorðsbundið fangelsi fyrir líkamsárás sem átti sér stað fyrir utan skemmtistaðinn Cafe Amour á Akureyri. Atvikið átti sér stað þann 24. febrúar í fyrra.

Þorbergur var dæmdur fyrir að hafa kýlt mann með krepptum hnefa í andlitið. Einnig var hann ákærður fyrir að hafa í beinu framhaldi slegið eða kýlt annan mann í andlitið þegar sá ætlaði að koma félaga sínum til aðstoðar, en var hann þó sýknaður af þeim lið ákæru þar sem ekki þótti það sannað þannig að hafið væri yfir skynsamlegan vafa.

Höggið virðist hafa verið nokkuð þungt því fyrr maðurinn rotaðist. Sá síðari hlaut bólgu á andlit og gleraugu sem hann var með á sér eyðilögðust. Í dómi kemur lítið fram um aðdraganda árásarinnar: „Aðdragandi árásar hans byrjaði með óviðurkvæmilegum ummælum   hans   við   brotaþolann X,“ segir þó í dómi.

Þorbergur var dæmdur til að greiða fyrri manninum 400 þúsund krónur í bætur auk tæplega 200 þúsundum í málskostnað.