Þriggja bifreiða árekstur varð á Njarðarbraut í Njarðvík í gærdag. Ökumaður bifreiðar ók aftan á annan bíl sem var kyrrstæður aftan við bíl sem beið á rauðu ljósi. Bíllinn í miðjunni skall við það aftan á þeim fremsta.

Tvö börn voru í síðastnefnda bílnum. Annað þeirra og farþegi í miðjubifreiðinni kenndu eymsla eftir áreksturinn. Aðrir sluppu ómeiddir.

Annar árekstur varð, einnig í Njarðvík, í gær en engin slys á fólki. Önnur umferðaróhöpp sem orðið hafa undanfarna daga hafa verið minni háttar og enginn slasast.

Þetta kom fram í fréttatilkynningu frá Lögreglustjóranum á Suðurnesjum.