Í dag mun hefjast svokallað hjólastólarallý, en þar munu nokkrir einstaklingar sem bundnir eru hjólastól renna sér niður Kambana við Hveragerði.

Rallýið er á vegum hópsins Ferðabæklingarnir og tilgangur þess er að mótmæla meðferð stjórnvalda á fötluðu fólki. Þetta staðfestir Jack Hrafnkell Daníelsson góðvinur Ferðabæklinganna í samtali við DV.

„Þetta snýst náttúrulega um það hvernig komið er fram við öryrkja af hendi stjórnvalda,“ segir Jack sem er sjálfur öryrki.

Klukkan fimm í kvöld mun ferðalagið hefjast á Olís Norðlingaholti, þaðan verður síðan haldið á Kambana.

Búist er við því að rallýið sjálft hefjist klukkan sex, en Jack hvetur fólk til að mæta og fylgjast með, þar að auki biður hann þá sem eiga leið hjá að sýna stuðning með því að flauta og veifa.

Þetta er þó einungis fyrsti hlutinn í ferðalaginu, en seinna í Ágúst verður meðal annars skriðið upp tröppurnar við Skógafoss.

„Ástandið er orðið ömurlegt í dag, sem dæmi má nefna sjúkratryggingar Íslands sem neitar fólki oftar en ekki fólki um þau hjálpatæki sem það þarf. Það verður að föngum á eigin heimili.“ segir Jack sem hefur fengið sig fullsaddan af nokkrum stjórnmálamönnum sem hann fer ófögrum orðum um.

Jack bendir meðal annars á að stundum borgi sig ekki að vera í vinnu með öryrkjabótum, „það getur á endanum kostað mann meira en að vera ekki í vinnu, þá liggjandi í sófa heima hjá sér,“

„Fólk þarf að velja á milli þess að borga húsaleigu og eiga í matinn!“ segir Jack sem finnst öryrkjabætur ekki hafa hækkað í samræmi við leigugjöld.

Jack er afar stoltur af vinkonu sinni henni Maríönnu Vilbergs Hafsteinsdóttur sem fer meðal annara í rallýið í kvöld, en hún hefur glímt við MS sjúkdóminn.

Hægt verður að fylgjast með beinni útsendingu af viðurðinum á Facebook-hópnum Krefjumst betri kjara! Áfram við, öll sem eitt!