Í gær staðfesti Landsréttur gæsluvarðhaldsúrskurð á hendur karlmanni sem grunaður er um virkilega alvarlega líkamsárás á Neskaupstað.

Glæpurinn á að hafa átt sér stað seint miðvikudaginn 11. júlí.

Maðurinn er grunaður um að hafa stungið annan mann. Samkvæmt læknisvottorði var fórnarlambið með stungusár framan á hálsi, nálægt slagæðum, bláæðum og barka. Þar að auki var maðurinn með fleiri stungusár fyrir neðan rifbein, nálægt lifur. Læknisvottorðið tekur einnig fram að maðurinn hafi verið í „yfirvofandi lífshættu.“

Árásarmaðurinn á að hafa verið ástfangin af kærustu brotaþola og á margoft að hafa „hótað að stinga, drepa og skera hana á háls,“

Nágranni brotaþola hringdi í lögreglu eftir að hafa orðið var við mikinn hávaða. Þar hafi brotaþoli verið að banka á hurðina og þegar hún var opnuð af nágrannanum féll brotaþolinn alblóðugur inn.

Þá hafi nágranni lokað særða manninn aftur úti í ótta við að árásarmaðurinn myndi ryðjast inn á heimili mannsins, til fjölskyldu sinnar. Þó hafi hann hringt samstundis á lögreglu sem kom innan skamms.

Lögreglan handtók árásarmanninn sem á að hafa gengið blóðugur með hnífa í báðum höndum. Hann veitti enga mótspyrnu við handtöku.

Brotaþolinn var fluttur með sjúkraflugi til Reykjavíkur þar sem hann gekk undir aðgerðir lækna.