Lottópotturinn á laugardaginn er sjöfaldur og stefnir í 100 milljónir. Í tilkynningu frá Íslenskri getspá kemur fram að síðast hafi potturinn verið sjöfaldur í ágúst 2017. Er þetta í aðeins sjöunda skiptið í sögunni sem potturinn nær því að verða sjöfaldur. Jafnframt er þetta hæsti sjöfaldi pottur sem upp hefur komið.
„Ef skoðuð er skipting vinninga á sjöföldum potti, þá hefur það gerst þrisvar sinnum að einn vinningshafi fékk allan pottinn en hin þrjú skiptin deildist vinningurinn á 2 til 4 vinningshafa. Aðeins þrisvar sinnum hefur Lottópotturinn orðið áttfaldur svo potturinn á laugardaginn stefnir í að vera fjórði stærsti lottópotturinn hingað til.“
