Nichole Leigh Mosty, fyrrverandi þingkona og núverandi verkefnastjóri hjá Samtökum kvenna af erlendum uppruna, virðist taka heldur illa í grín sem Ingunn Lára Kristjánsdóttir, leikkona og blaðamaður, birtir á Twitter.

Ingunn hefur birt fjölda grínmyndbanda sem yfirleitt falla vel í kramið. Í gær birti hún svo myndband það sem hún gerir grín að hegðun bandarískra túrista á Íslandi, líkt og hvernig þeir spyrja oft um meint sifjaspells-app.

Allir bandarískir túristar:
Inspired by @VilhelmNeto pic.twitter.com/YYr4IKNUVl

— Ingunn Eitthvað (@IngaLalu) June 3, 2019

Nichole kveðjur sér hljóðs í athugasemd við myndbandið og virðist ósátt, en hún er bandarísk að uppruna. „Má ég koma með leikið atriði um hvernig ALLIR Íslendingar haga sér í útlanda? Eða alhæfa kannski hroki sem felst í því að vera hin fullkominn Íslendingar? Á fund fyrir stutt þurfti ég að sitta undir samtal þar sem fólk útskýrði fyrir mig hverdu heimsk allir “kannir” eru. Takk,“ skrifar Nichole.

Henni er svo bent á í athugasemdum að Ingunn segir sjálf að myndband hennar sé innblásið af sambærilegum myndböndum Vilhelms Neto, sem hefur einmitt gert grín að Íslendingum í útlöndum. „Vilhelm Neto var búinn að því m8. Og við hlógum bara, því þetta er fyndið, funny how that works,“ skrifar Oddur nokkur. Þau myndbönd má sjá hér fyrir neðan.

SólarlandaÍslendingar pic.twitter.com/9yblWTCQpk

— Vilhelm Neto (@VilhelmNeto) May 16, 2019

Íslendingurinn nýfluttur til Danmerkur pic.twitter.com/nzX67e2oJM

— Vilhelm Neto (@VilhelmNeto) April 28, 2019