Lögreglan á Suðurnesjum leitar nú að vitni að skemmdarverkum sem áttu sér stað í Vogum á Vatnleysuströnd. Lögreglan birtir á Facebook myndir af bíl sem var rústað í gær.
Í færslunni segir: „Eigandi þessarar bifreiðar lenti í því að hjólbarði sprakk á bifreiðinni í gærkvöldi. Bifreiðin var skilin eftir á Stapavegi rétt hjá Stofnfiski í Vogum á Vatnsleysuströnd. Er eigandinn kom að bifreiðinni í morgun blasti þessi sjón við honum. Þetta hefur gerst frá kl. 22:00 í gærkvöldi (þegar eigandi bifreiðarinnar fór frá henni) þar til tilkynning barst lögreglu kl. 10.45 í morgun. Allir þeir sem hafa upplýsingar um málið eru hvattir til að hafa samband við okkur í gegnum 1-1-2 eða hér á samfélagsmiðlum.“
https://www.facebook.com/lss.abending/posts/2301960479824381
