Julian Assange, stofnandi Wikileaks, var handtekinn af bresku lögreglunni í Sendiráði Ekvador í London í dag.
Scotland Yard staðfesti þetta í samtali við The Independent. Julian var handtekinn á grundvelli handtökuskipunar frá breskum yfirvöldum, en hann hafði dvalið í sendiráðinu í 7 ár undir vernd Ekvador.
Assange var eftirlýstur af sænskum yfirvöldum fyrir kynferðisbrot sem hann var grunaður um að hafa gerst sekur um. Assange hefur alltaf haldið því fram að sænsk yfirvöld muni framselja hann til Bandaríkjanna, ef hann gæfi sig fram við þau, en þar yrði hann fangelsaður til lífstíðar eða tekinn af lífi. Nú hefur Svíþjóð fallið frá ákærunni en svo virðist vera að handtaka hans núna hafi farið fram á þeim grundvelli að hann hafi brotið lög þegar hann mætti ekki fyrir dómara þrátt fyrir boðun.
Metropólíska lögreglan segist hafa „borið skylda til að framfylgja handtökuskipuninni“ og að þeim hafi verið „boðið inn í sendiráðið af sjálfum sendiherranum, þar sem yfirvöld í Ekvador höfðu afturkallað verndina yfir Assange.“
Forseti Ekvador, Lenin Moreno, sagði að friðhelgi og vernd Ekvador hafi verið dregin til baka í kjölfar ítrekaðra brota Assange á alþjóðasamningum og siðareglum.
Innanríkisráðherra Bretlands, Sajid Javid, sagði að stofnandi Wikileaks væri „loksins kominn í varðhald og ætti yfir höfði sér refsingu í Bretlandi.“
„Ég vil þakka Ekvador fyrir samvinnuna og Met-lögreglunni fyrir fagleg störf. Enginn er hafinn yfir lög og reglur.“
Ríkissaksóknari Svíþjóðar, Ingrid Isgren, hefur gefið út yfirlýsingu: „Þetta eru tíðindi fyrir okkur, svo við höfum enn sem komið er ekki tekið afstöðu til þeirra upplýsinga sem nú liggja fyrir. Við vitum ekki heldur hvers vegna hann hefur verið handtekinn. Fylgst verður með framvindu málsins.“
Rafael Correa, fyrrverandi forseti Ekvador sem var einmitt forseti þegar Assange var veitt vernd, hefur fordæmt málið og segir á Twitter að Lenin Moreno sé svikari.
Scotland Yard staðfesti rétt í þessu að framsalsbeiðni hafi borist frá Bandaríkjunum. „Julian Assange hefur í dag, 11. apríl, verið handtekinn að nýju fyrir hönd Bandaríkjanna, klukkan 10:53 eftir að hann var færður í aðalstöð lögreglunnar í London. Þetta er framsalsbeiðni á grundvelli 73. gr. framsalssáttmálans. Hann verður færður fyrir dómara við fyrsta tækifæri.“
Einn af lögmönnum Assange hefur fordæmt handtökuna.
„Þetta er brot á alþjóðlegum lögum. Ekvador verður úthýst af alþjóðasamfélaginu fyrir þetta athæfi. Þú getur ekki veitt einhverjum vernd og friðhelgi í sjö ár og svo bara hent þeim frá þér, sem er nákvæmlega það sem Evador hefur gert. Þetta er grimmt og óskiljanlegt trúnaðarbrot af Evadorískum yfirvöldum. Þeim langar að fá lánveitingu frá Bandaríkjunum og gera því það sem Bandaríkin segja þeim að gera. Hvað mun verða um Assange? Honum verður haldið.“
Edward Snowden, uppljóstrari, hefur lýst yfir stuðningi við Assange og Wikileaks líka. Í Tísti Wikileaks segir: „Þessi maður er sonur, bróðir. Hann hefur unnið fjöldann allan af blaðamannaverðlaunum. Hann hefur verið tilnefndur til friðaverðlauna Nóbels á hverju einasta ári frá 2010.“
This man is a son, a father, a brother. He has won dozens of journalism awards. He's been nominated for the Nobel Peace Prize every year since 2010. Powerful actors, including CIA, are engaged in a sophisticated effort to dehumanise, delegitimize and imprison him. #ProtectJulian pic.twitter.com/dVBf1EcMa5
— WikiLeaks (@wikileaks) April 11, 2019
Fréttin hefur verið uppfærð
