Korthafar kredit- og debitkorta frá Mastercard fá endurgreidd flugfargjöld frá WOW Air sem þeir greiddu með þessum kortum. Fargjöld sem þeir þurfa að kaupa hjá öðru flugfélagi til að komast á áfangastað eru hins vegar ekki tengd endurkröfuréttinum. Tilkynning frá Borgun vegna þessa er eftirfarandi:
Endurkröfuréttur korthafa vegna gjaldþrots WOW
Vegna gjaldþrots flugfélagsins WOW Air, vill Borgun hf. koma eftirfarandi á framfæri.
Allir Mastercard kredit- og debit korthafar sem fá ekki flug með WOW air vegna gjaldþrots eiga rétt á endurgreiðslu.
Ef korthafi er staddur erlendis þegar flug er fellt niður og þarf að kaupa flug heim með öðru flugfélagi eru þau kaup ekki tengd endurkröfurétti vegna þess flugs sem fellt var niður.
- Mastercard korthafar hjá Íslandsbanka eru beðnir að kynna sér neyðarþjónustu Íslandsbanka
- AUR korthafar eru beðnir um að fylla út „Fyrirspurn vegna kortafærslu“ og senda til Borgunar.
Með endurkröfubeiðni þarf að fylgja með afrit af bókunarstaðfestingu flugs.
