Samtökin Vakandi birtu á mánudaginn mynd á Facebok síðu sinni af meintri matarsóun verslunarinnar Nettó á Granda. Rekstrarstjóri Nettó segir að ekki sé um verklag verslunarinnar að ræða heldur hafi þarna verið um mistök að ræða. Búið sé að tala við starfsfólk og auka við stærð endurvinnslugáma síðan myndin var tekin.
Vakandi eru samtök vilja auka vitundarvakning um sóun matvæla og á mánudaginn birtu þau mynd sem tekin er af ruslagám við verslun Nettó á Granda þar sem sjá má matvæli, plast og pappa saman óflokkuð.
„Hér sjáum við enn á ný mynd úr gámi við súpermarkað í Reykjavík – þar sem er verið að henda dýrmætum auðlindum ( mat ) – sem er vel ætur – og það er ekki einu sinni haft fyrir því að flokka – pappa og plast frá lífrænum úrgangi… og með því að flokka ekki endar þetta allt í landfyllingu með dapurlegum endi – Eftir alla þessa umræðu – alla vitundarvakningu um umhverfismál – neyslu – mikilvægi þess að fara vel með mat og auðlindir – er það mikill bömmer að þetta sé enn í gangi… Afhverju má ekki bara setja þau matvæli sem á að henda í kerrur fyrir utan verslanir, fyrir þá sem geta nýtt og hvers vegna er það svona flókið að flokka!“
„Við endurvinnum plast og pappa og svo erum við að endurvinna lífrænt. Við erum búin að fara yfir þetta mál úti á Granda með starfsfólkinu og fara yfir alla ferla. Þetta eru mistök og svo var það á mánudeginum að lífræna karið var orðið fullt og því fer þetta þarna í. Við erum búin að stækka lífræna karið og fara yfir ferla.“
Nettó reynir að stuðla gegn matarsóun meðal annars með afsláttunum „Minni sóun“ þar sem verslunin býður viðskiptavinum stigvaxandi afslátt af vörum sem nálgast síðasta söludag, sem verður meiri eftir því sem líftími vörunnar styttist.
„Við erum svo að nóta minni sóun afslættina okkar og erum búin að gefa 200 milljónir á ári í afslætti af vörum sem eru að renna út. Við látum okkar viðskiptavini stýra því hvort vara sé söluhæf eða ekki og auðvitað fer sumt í ruslið, en það á allt að vera flokkað. Þessi mynd er ekki að gefa rétta mynd af starfseminni okkar.“
