Það kom mörgum á óvart er Zinedine Zidane var ráðinn stjóri Real Madrid á ný í síðustu viku.
Zidane yfirgaf Real eftir síðasta tímabil og tók Julen Lopetegui við. Spánverjinn entist stutt í starfi áður en Santiago Solari tók við.
Það gekk heldur ekki vel undir Solari og reyndi Real allt til að fá Zidane aftur en hann vann Meistaradeildina þrjú ár í röð á Santiago Bernabeu.
Martin Odegaard, leikmaður Real, segir að það komi sér á óvart að Zidane hafi mætt aftur svo fljótt.
,,Ég bjóst ekki við að Zidane myndi snúa aftur svona snemma en hann var fullkominn stjóri fyrir Real,“ sagði Odegaard.
,,Hann getur komið hópnum á rétta braut aftur og skapað eitthvað mjög gott. Það er mjög jákvætt.“
