„Samkvæmt upplýsingum frá ræðismanni Íslands á Nýja-Sjálandi, sem hóf eftirgrennslan strax og um tilkynnt var um hryðjuverkin í Christchurch í morgun, eru ekki vísbendingar um að Íslendingar séu í hópi látinna eða slasaðra.“

Þetta kemur fram í yfirlýsingu sem utanríkisráðuneytið sendi frá sér vegna árásarinnar í Christchurch í Nýja-Sjálandi. 49 manns eru látnir eftir árásina og margir slasaðir eftir að byssumaður hóf skothríð í tveimur moskum í borginni.

Í yfirlýsingu utanríkisráðuneytisins kemur fram að þeir sem kunna að vera í vanda staddir vegna árásanna séu hvattir til að láta frá sér heyra. „Símanúmer borgaraþjónustunnar eru +354 545 0112 og +354 545 9900.“