„Það er mikilvægt að segja frá þessu því það er orðið svo mikið um þetta í dag,“ segir Kristel Tanja Garðarsdóttir við DV en hún varð fyrir því að keyrt var yfir köttinn hennar, Leó, ungan og fallegan högna. Ökumaðurinn keyrði burtu af vettvangi. Mikilvægt er að þeir sem keyra á dýr fari með dýrið á dýraspítala en skilji það ekki eftir á götunni. Flestir kettir eru merktir með heimilisfangi og símanúmeri og lágmarks kurteisi er að hafa samband og láta eiganda vita.

Kristel skrifaði stuttan pistil um atvikið á Facebook-síðu sína:

„Þú sem keyrðir yfir köttinn minn og skyldir hann eftir á götunni, ég vona svo innilega að þú gerir þetta aldrei aftur. Það er alltof margt fólk sem gerir þetta og þetta er svo hræðilegt og sárt. Sem betur fer var yndisleg kona sem lét mig vita af litlu kisunni minni. Ef þú keyrir á kött þá stopparðu og ferð með hann á dýraspítalann. ekki skilja hann eftir á götunni. Þessi litli meistari átti allt lífið eftir. Hvíldu í friði elsku kisi, þin verður sárt saknað af öllum.“