Níu ökumenn hafa verið kærðir fyrir of hraðan akstur í umdæmi lögreglunnar á Suðurnesjum á síðustu dögum. Sá sem hraðast ók var erlendur ferðamaður en bifreið hans mældist á 141 kílómetra hraða þar sem hámarkshraði er 90 kílómetrar á klukkustund.
Í skeyti frá lögreglunni á Suðurnesjum kemur fram að hraðaksturinn hafi reynst þessum erlenda ferðamanni dýrkeyptur því sektin nemur 210 þúsund krónum.
Þá segir lögregla að skráningarnúmer hafi verið fjarlægð af sjö bifreiðum sem ýmist voru óskoðaðar eða ótryggðar. Þá setti lögregla miða á annan tug bifreiða sem var ólöglega lagt.
