„Ég held að mín mesta gæfa í lífinu sé að vera ekki á Facebook, ég sé aldrei eftir þeirri ákvörðun,“ segir Halldór Benjamín Þorbergsson, framkvæmdastjóri Samtaka atvinnulífsins, en hörð umræða um kjaramál á sér stað á samfélagsmiðlum og er yfirlýsing Halldórs gefin í því samhengi. Halldór var í viðtali á Hringbraut og Kjarnanum. Hann er afar óhress með miklar launahækkanir nokkurra ríkisforstjóra sem hafi sent kolröng skilaboð inn í kjaraviðræðurnar:

„Þetta hefur valdið mjög miklum skaða. Það er mjög erfitt fyrir okkur að kljást við þetta. Þetta eru sið­ferð­is­leg álita­efni, þetta eru kannski hlutir sem skipta kannski ekki öllu máli í þessu þjóð­hags­lega sam­hengi en hafa ofboðs­lega slæm áhrif á mórall­inn í þessum við­ræðum og þar af leið­andi eitt­hvað sem ég hef talað mjög hart gegn.“

Halldór segir jafnframt í viðtalinu að lausnir í húsnæðismálum væru lykillinn að bættum hag landsmanna. Halldór ræddi einnig um áhrif mikillar verðbólgu á hag heimila:

 „Það er örugg­lega engin þjóð sem er betur að sér í áhrifum verð­bólgu á hag almenn­ings en akkúrat Íslend­ing­ar. Við munum alveg hvernig er að kljást við fast­eigna­lán í vax­andi verð­bólgu. Við eigum að forð­ast að hleypa verð­bólg­unni af stað og við eigum að forð­ast það að ganga svo hart að fyr­ir­tækj­unum í land­inu að þeirra eina and­svar verði að fara í upp­sagnir í mjög stórum stíl.“