Óvissa ríkir um framtíð þriggja verslana leikfangakeðjunnar hér á landi eftir að móðurfélag þeirra í Danmörku, Top Toy A/S, var lýst gjaldþrota milli jóla og nýárs. Móðurfélagið rak verslanir keðjunnar á Norðurlöndum, þar á meðal á Íslandi, en hvað verður um verslanirnar er í höndum skiptastjórans í Danmörku.

Í samtali við RÚV segir Sigurður að hann og starfsfólk verslananna hér á landi bíði fregna frá Danmörku. Þangað til muni það halda sínu striki og eru verslanirnar opnar í dag.

Á Facebook-síðu Toys’R’Us á Íslandi birtist tilkynning þann 30. desember síðastliðinn þar sem eigendur gjafabréfa voru hvattir til að nota þau meðan það var hægt.  „Athugið þó að þrátt fyrir mögulega lokun gilda venjulegar skilareglur.  Hægt er að fá endurgreitt við skil ef kvittun er til staðar. Annars er hægt að velja aðra vöru í staðinn.“

Sigurður segir við RÚV að birgir hafi verið sendar til landsins milli jóla og nýárs en síðan verði að koma í ljós hvað verður.