Kvikmyndagerðarmaðurinn, fyrirsætan og aktívistinn Ísold Halldórudóttir hefur sett af stað herferð gegn neikvæðri líkamsímynd. Herferðin er til umfjöllunar hjá kanadíska vefmiðlinum Vice en Ísold hefur verið dugleg að birta myndir af sér undir myllumerkinu #fatgirloncam að undanförnu.
„Myllumerkið #fatgirloncam er í raun bara heiðarleg framsetning á því hver ég er og hvernig ég lít út. Mér finnst mikilvægt að nota orðið fita til að lýsa mér vegna þess að þjóðfélagið hefur snúið því orði í neikvæða merkingu. Orðið er hvorki jákvætt né neikvætt. Þetta er orð sem mikið af fólki hefur notað gegn mér. Núna er ég búinn að sætta mig við þetta af því að það er ekkert að því að vera feitur rétt eins og það er ekkert að því að vera of grannur eða venjulegur,“ segir Ísold í samtali við Vice.
„Þegar ég var yngri hélt ég að ég þyrfti að grennast til að verða falleg. Slíkar hugmyndir eru enn til staðar, ekki bara hjá ungum stúlkum heldur í hugum allra. Hugmynd fólks um að eina leiðin til að að fá viðurkenningu í samfélaginu sé að vera í sérstakri þyng er svívirðileg,“ segir Ísold.
Eins og áður segir er Ísold dugleg að birta myndir af sér á Instagram undir myllumerkinu #fatgirloncam en hér að neðan má sjá nokkur dæmi.
https://www.instagram.com/p/Blsmh1FFOov/?taken-by=isoldhalldorudottir
https://www.instagram.com/p/BlpiBiGFHJz/?taken-by=isoldhalldorudottir
https://www.instagram.com/p/BdYTs0LhdfR/?taken-by=isoldhalldorudottir
