Tilkynning var send til barnaverndarnefndar eftir að ökumaður var stöðvaður fyrir of hraðan akstur á Reykjanesbraut í gær. Ökumaðurinn mældist á 170 kílómetra hraða en í bílnum var ungt barn. Að sögn lögreglunnar á Suðurnesjum var ökumaðurinn sviptur ökuréttindum á staðnum.
Þá fjarlægði lögreglan á Suðurnesjum skráningarnúmer af sjö bifreiðum um helgina, en þær voru ýmist óskoðaðar eða ótryggðar.
Átta ökumenn voru teknir úr umferð vegna gruns um fíkniefna – eða ölvunarakstur. Einn þeirra var með kannabisefni á gólfi bifreiðar sinnar og annar hafði áður verið sviptur ökuréttindum.
Afskipti voru svo höfð af ökumönnum sem virtu ekki stöðvunarskyldu eða töluðu í síma án handfrjáls búnaðar.
