Tveir piltar komust undan
Vopnað rán var framið í 10-11 í Grímsbæ skömmu fyrir klukkan 13 í dag. Lögregla er á vettvangi. Hinir grunuðu í málinu, tveir piltar, komust undan. Þeirra er nú leitað.
Sigurbjörn Jónsson, varðstjóri hjá lögreglunni á höfuðborgarsvæðinu, kveðst í samtali við DV hvorki geta sagt til um hvernig vopni var beitt í ráninu né hvort þeim hafi tekist að stela einhverju. Þá er ekki komin lýsing á piltunum sem leitað er að.
Versluninni var lokað í kjölfarið á meðan lögregla vinnur á vettvangi.
Fréttin verður uppfærð
Uppfært klukkan 14:15:
Tveir karlmenn hafa verið handteknir en þeir liggja undir grun um að hafa framið ránið.
