„Frá upphafi hefur það alltaf verið mér mikið hjartans mál að geta gefið fría smokka því ég trúi því að allir eigi að geta nálgast fría smokka til að stunda öruggt kynlíf,“ segir Gerður Huld Arinbjarnardóttir eigandi hjálpartækjaverslunarinnar Blush.is en hún fékk í gær senda fimmtíu þúsund smokka sem sérmerktir eru fyrirtækinu. Hún hyggst leyfa þjóðinni að njóta góðs af.
Í færslu á facebooksíðu Blush kveðst Gerður ætla að gefa smokkanna með það í huga að minnka smit á kynsjúkdómum og koma í veg fyrir ótímabærar þunganir.
„Þetta er ekki bara frábært fyrir einstaklinga heldur líka heilbrigðiskerfið okkar þar sem hægt er að spara gríðarlega mikinn pening með fækkun fóstureyðinga og kynsjukdómasmita.“
Þá bendir Gerður á að 12 stykkjja smokkapakki kosti á bilinu 1500 til 1800 krónur úr búð. Má því áætla að gjöf Blush til Íslendinga sé að rúmlega 7 milljón króna virði. Þeir sem vilja nýta tækifærið og sækja sér birgðir af af smokkum geta mætt í Blush en verslunin er staðsett í Hamraborg 5 í Kópavogi.
