Sigurður Ingi Jóhannsson forsætisráðherra er ánægður að Ólafur sækist eftir endurkjöri. Þá segist Sigurður hafa átt gott samstarf við Ólafar Ragnar. Í samtali við Ríkisútvarpið sagði Sigurður:

„Ég fagna í sjálfu sér yfirlýsingu Ólafs Ragnars, hann hefur reynst þjóðinni vel á síðustu árum bæði hér innanlands og ekki síst á erlendri grundu og þjóðin hefur sýnt það áður að hún treystir honum til verka og ég býst við að hann sé að svara ákalli þeirra sem við hann hafa talað.“

Sigurður telur líklegt að Ólafur standi uppi sem sigurvegari.

„Mér finnst það nú frekar líklegt já svona miðað við traust mælingar á Ólaf Ragnar á undanförnum mánuðum sem og stöðu hans í samfélaginu.“