Vilhjálmi Bretaprins hlotnaðist á dögunum sá vafasami heiður að vera kosinn sá minnst aðlaðandi af frægum mönnum með skalla. Í það minnsta virðist það almennt vera skoðun þátttakenda í könnun sem gerð var fyrir hönd The Harley Street Skin Clinic, klíník sem sérhæfir sig í hárlosi.
Könnunin náði til 1000 karla á aldrinum 25-65 og það var Fast and Furious töffarinn Vin Diesel sem hreppti vinninginn, en 35% aðspurðra töldu skallann ljá honum karlmannlegra útlit. Vin Diesel sigraði naumlega annan töffara; Klettinn Dwayne „The Rock“ Johnson, sem hafnaði í öðru sæti með 33 prósent atkvæða. Á hæla Klettsins komu bresku leikararnir Jason Statham og Sir Patrick Stewart með 30%.
Meðal annarra sem listann prýddu voru þeir Bruce Willis, Ed Harris, Ving Rhames, Sir Ben Kingsley og Matt Lucas en botninn skrapar fyrrgreindur prins með aðeins 2 prósent atkvæða.
