Knattspyrnumaðurinn Rúrik Gíslason – sem rataði meðal annars á lista Bleikt yfir kynþokkafyllstu karlmenn Íslands – er á lausu. Rúrik var í sambandi með Birgittu Líf Björnsdóttur en samkvæmt heimildum Bleikt eru þau ekki lengur saman.
Rúrik er fæddur árið 1988 og fagnaði nýverið 29 ára afmæli sínu. Hann hefur leikið með íslenska landsliðinu og lék með Kaupmannahafnarliðinu frá 2012, þar til hann var seldur til Nürnberg í þýsku B-deildinni árið 2015. Hann keppir enn með þýska liðinu.
Birgitta er hins vegar einn erfingi World Class veldisins, enda eru foreldrar hennar eru Bjössi og Dísa í World Class. Hún stundar að auki nám í lögfræði og er mikil fegurðardís.
Rúrik er „pretty boy“ íslenska fótboltaheimsins, eins og það var orðað í grein Bleikt um kynþokkafulla Íslendinga. Hann fær aðdáendur af báðum kynjum til að kikna í hjáliðunum og hefur yfirburða tískuvitund sem heillar lýðinn – og nú er hann á lausu.
