Blac Chyna hefur fengið nálgunarbann gegn Robert Kardashian. Samkvæmt Buzzfeed þarf Rob að vera í að minnsta kosti 91 metra fjarlægð frá Blac Chyna og ekki deila neinum myndum af Blac, dóttur þeirra Dream eða syni Blac, Cairo. Lögfræðingur Blac Chyna, Lisa Bloom, sagði að þetta væri fullnaðarsigur.
„Dómarinn gaf okkur allt sem við báðum um sem eru nokkur ströng nálgunarbönn gegn Rob Kardashian. Þau banna honum að koma nálægt henni eða deila myndum og myndböndum af henni á netið.“
Lögfræðingur Rob Kardashian, Robert Shapiro, baðst afsökunar fyrir hendi Rob Kardashian og voru allir aðilar sammála um að setja þyrfti hagsmuni Dream í forgang.
Nálgunarbannið kemur í kjölfar atburða í síðustu viku, þegar Rob deildi myndum og skilaboðum um Blac á Instagram og Twitter. Hann deildi meðal annars nektarmyndum af Blac án hennar leyfis og flokkast það sem stafrænt kynferðisofbeldi. Stafrænt kynferðisofbeldi er refsivert í Kaliforníu og gæti Rob átt yfir höfði sér sex mánaða fangelsisvist.
Sjá einnig: Rob Kardashian beitir Blac Chyna stafrænu kynferðisofbeldi – Gæti átt yfir höfði sér sex mánaða fangelsi
Í gær kom Blac fram í Good Morning America með lögfræðingnum sínum til að ræða um málið. Blac sagðist vera miður sín yfir þessu og finnst hún vera svikin. Hér getur þú horft á viðtalið:
