Mig langaði að sýna ykkur vöru frá NYX sem ég er búin að vera að nota fáránlega mikið undanfarna mánuði. Varan er Angel Veil Skin Perfecting Primerinn en hann fékk ég í jólagjöf frá merkinu síðastliðinn desember.
Primerinn er silíkon farðagrunnur svo ef þið fílið ekki svoleiðis grunna þá hentar þessi ykkur örugglega ekki, en ef þið hinsvegar elskið þá eða vitið ekki hvað það þýðir þá skuluð þið endilega lesa meira. Silíkon farðagrunnar sitja ofan á húðinni eins og hula þar sem þeir fylla upp í húðholur og fínar línur og sjá til þess að allur farði sem er settur ofan á hann renni léttilega og vel á húðina. Angel Veil farðagrunnurinn er hinn fullkomni silíkon grunnur en ég hef mikið verið að nota hann einan og sér bara.
Þá ber ég dálítið af honum á T-svæðið mitt en þar sem að grunnurinn er hvítur birtir hann örlítið yfir andlitinu mínu og húðholurnar mínar verða nánast ósýnilegar – án gríns! Hann mattar líka húðina svo að ég verð ekki olíumikið á T-svæðinu mínu yfir daginn. Angel Veil er líka talinn vera fullkomin eftirlíking af Veil Mineral primernum frá Hourglass en hann er töluvert dýrari en þessi svo ef þið viljið ekki skella ykkur út í þá fjárfestingu þá mæli ég með að þið prófið þennan.
Ég hef líka eitthvað notað grunninn undir farða og hann virkar vel í það en satt best að segja hef ég mest notað hann einan og sér þar sem hann gefur húðinni minni svo fallega áferð að mér finnst ég ekki þurfa að setja farða yfir hana. Það eru 30 ml í hverri túpu svo maður fær nóg af farðagrunni fyrir peninginn. Mæli með þessum fyrir sumarið!
Rannveig H.
-Færslan birtist fyrst á síðunni Belle.is
