Demi Moore og Bruce Willis voru gift frá 1987 til 2000. Þau eiga saman þrjár dætur.
Bruce hefur verið giftur Emmu síðan árið 2009, það er 23 ára aldursmunur á milli þeirra og eiga þau tvær dætur saman.
Eins og kunnugt er glímir Bruce Willis við framheilabilun (e. frontotemporal dementia, FTD) sem er sjaldgæft form heilabilunar. Rúm þrjú ár eru síðan greint var frá því að leikarinn, sem varð sjötugur fyrr á þessu ári, glímdi við sjúkdóminn.
Emma greindi nýlega frá því að leikarinn býr ekki lengur með henni og dætrum þeirra, Mabel, 13 ára, og Evelyn, 11 ára, vegna veikindanna.
Demi kom ákvörðun Emmu til varnar í hlaðvarpsþætti Opruh Winfrey.
„Það er áhugavert að vera fyrrverandi eiginkonan í þessum aðstæðum, þó svo að fjölskylda okkar sé mjög samheldin,“ sagði hún.
„Svo mikið af ábyrgðinni féll á Emmu, að finna út úr þessu öllu og það fallegasta var að átta sig á mikilvægi umönnunaraðila og að þeir þurfi líka að hugsa um sig sjálfa. Ef þeir hugsa ekki um sig þá geta þeir ekki hugsað um aðra.“
Emma hefur talað opinskátt um hlutverk sitt sem umönnunaraðili eiginmanns síns síðan leikarinn greindi frá veikindunum í febrúar 2023.
„Ég finn fyrir svo mikilli samkennd með Emmu, hún er ung kona og það var engin leið fyrir hana að vita hvert þetta myndi stefna. Mér finnst hún hafa staðið sig mjög vel, hún hefur sýnt mikinn styrk og hugrekki,“ sagði Demi.
