Guðmundur, eða Gummi eins og hann er kallaður, birti einlæga færslu á Instagram í gær. Þar útskýrði hann af hverju hann hljóp maraþon berfættur, tvær helgar í röð.
„Mér finnst gaman að gera eitthvað erfitt, vera í baráttu,“ sagði hann og hélt áfram.
„En aðallega gerði ég þetta til að sýna ykkur hvað mannslíkaminn er sterkur, við erum öll börn Guðs, styrkurinn kemur frá honum, við erum mun öflugri verur en við gerum okkur grein fyrir. Svo er ég þakklátur að við söfnuðum 300 þúsund saman til styrktar Barnaspítalasjóð Hringsins.“
Gummi segir að margir misskilja hann og hans boðskap. „Fyrst og fremst er ég mættur hér á þessa jörð til að þjóna og hjálpa, og ef einhver biður mig um eitthvað geri ég mitt allra besta við að hjálpa til. Mig langar að minna ykkur á að Jesú Kristur er inni í ykkur og ást er eina tilfinningin, allt annað er blekking.“
Gummi hélt einlægur áfram:
„Ég reyndar grét nóg í dag en vinkona mín Bríet Irma lést í vikunni, ein yndislegasta manneskja sem ég hef hitt, blessuð sé minning hennar.
1 ár síðan einn af mínum bestu vinum dó, Ómar Hrafn – án hans hefði ég aldrei orðið svona sterkur – hann hjálpaði mér að brjóta múra í hausnum – self limitations.
Ég hef sjálfur gengið í gegnum dimma dali og lífið er ekki alltaf dans á rósum – en það mikilvægasta sem við höfum er fjölskylda og góðir vinir – það er svo mikilvægt að tjá sig, tala um tilfinningar og segja frá hugsunum og skrifa, syngja, hugleiða.
Maður festist svo oft í hugsunum og heldur að maður sér sínar hugsanir og svo dæmir maður sig og sparkar í sig liggjandi – við erum okkar verstu óvinir, við erum ekki hugsanir okkar, við erum andar, sálir, vitund, guðir.
Þakklátur fyrir ykkur öll, takk fyrir að vera til. Þú ert mikilvægur einstaklingur.
Hver dagur er lífsgjöf.
Ég hef mikið verk að vinna. Takk fyrir mig.“
View this post on Instagram
