Leikkonan Jennifer Aniston viðurkennir að hún og vinkona hennar, leikkonan Gwyneth Paltrow, slúðri enn um sameiginlegan fyrrverandi kærasta sinn, leikarann Brad Pitt.

„Kaldhæðnislega fór ég í trúlofunarveislu hennar og Brads,“ sagði Aniston í forsíðuviðtali Vanity Fair sem kom út á mánudag.

Þegar Aniston var spurð hvort hún og Paltrow tali nokkurn tíma saman um ástarsambönd sín við Pitt svaraði hún: „Ó, auðvitað. Hvernig getum við annað? Við erum stelpur.“

Leikkonurnar kynntust árið 1995 þegar David Schwimmer, meðleikari Aniston úr Friends og Paltrow léku saman í kvikmyndinni The Pallbearer. 

Pitt og Paltrow kynntust árið 1994 þegar þau léku hjón í spennnumyndinni Se7en, hann var þá. Hann var þá 32 ára og hún 23 ára. 

Í þakkarræðu sinni á Golden Globe verðlaunahátíðinni árið 1996 fyrir besta leik í aukahlutverki í myndinni 12 Monkeys sagði Pitt Paltrow vera ástina í lífi sínu. Í desember sama ár bað hann hafa um að giftast sér. Samband þeirra sem stóð yfir frá 1994 til 1997 var einatt í kastljósi fjölmiðla, en það endaði í júní 1997. Héldu þau þó nánu vinasambandi á eftir. 

Pitt hitti síðan Aniston árið 1998. Pitt bað hennar árið 1999 og þau giftust í glæsilegri athöfn í Malibu í júlí 2000. Parið kom aðdáendum á óvart þegar þau tilkynntu skilnað sinn í janúar 2005. „Við viljum tilkynna að eftir sjö ár saman höfum við ákveðið að skilja formlega,“ sögðu þau í sameiginlegri yfirlýsingu á þeim tíma.

„Fyrir þá sem fylgjast með svona málum viljum við útskýra að skilnaður okkar er ekki afleiðing neinna vangaveltna sem fjölmiðlar hafa greint frá. Þessi ákvörðun er afleiðing mikillar íhugunar. Við erum hamingjusöm og höldum áfram að vera tryggir og umhyggjusamir vinir sem berum mikla ást og aðdáun hvort fyrir öðru.“ Skilnaður Aniston og Pitt var endanlega staðfestur í október sama ár.

Pitt giftist síðar leikkonunni Angelinu Jolie, en stormasömum skilnaði þeirra lauk í ár og er hann nú í sambandi með Ines De Ramon. Aniston er að hitta dáleiðslufræðinginn Jim Curtis.

Paltrow hefur verið gift Brad Falchuk síðan 2018. Hún á börnin Apple, 21 árs, og Moses, 19 ára, með fyrrverandi eiginmanni sínum, Chris Martin, forsprakka hljómsveitarinnar Coldplay.