„Þetta gerist ekki af sjálfu sér og við fjölskyldan erum öllum afar þakklát. Net þeirra sem koma að því að gæta öryggis og velferða gestanna okkar, gleði þeirra og þörfum er ansi umfangsmikið þegar allt er upp talið og þakklætið er mikið þegar hlutirnir ganga svona vel.“
Grill- og tónlistarhátíðin Kótelettan fór fram um helgina á Selfossi í einmuna veðurblíðu. Hátíðin náði hámarki á laugardag. Mikill fjöldi sótti grillhátíðina í Sigtúnsgarði, þar sem boðið var upp á tívolí, markað, kynningar, BBQ Festival og Stóru grillsýninguna. Á sama tíma fór fram árleg kótelettusala til styrktar Styrktarfélagi krabbameinssjúkra barna (SKB). Kótelettusalan er orðinn órjúfanlegur hluti hátíðarinnar og hefur verið það um margra ára skeið.
Á laugardagskvöld fóru svo fram lokatónleikar hátíðarinnar á Eimskips-sviðinu við Hvíta húsið, vel fram á nótt, og tókst afar vel til. Meðal gesta voru stórstjörnur á borð við Björgvin Halldórsson, Friðrik Dór, Daníel Ágúst, Aron Can, Svölu Björgvins var leynigestur, Stuðlabandið, VÆB, Patr!k, Love Guru og fjöldi annarra.
Þá steig Jakob Frímann Magnússon á stokk með Stuðlabandinu og söng nokkur vel valin Stuðmannalög en það er ekki á hverjum degi sem hann stígur á svið án hljómborðsins. Ljósmyndari hátíðarinnar, Mummi Lú, fór á kostum við að fanga þennan magnaða hóp listamanna á sviðinu, og hér fylgja nokkrar vel valdar myndir frá honum.Þakklæti frá skipuleggjendum.
Undir morgun fór svo að rigna og ringdi aðeins á gesti tjaldstæðanna í fram undir morgun. Skipuleggjendur vilja koma á framfæri innilegu þakklæti til allra gesta hátíðarinnar sem skemmtu sér konunglega í blíðskaparveðri. Að sama skapi eru viðbragðsaðilum og öllu starfsfólki færðar sérstakar þakkir fyrir frábært og óeigingjarnt starf.
„Þetta er fimmtán ára afmæli og vélin sem þessi hátíð er gengur alltaf betur og betur með hverju árinu,“ segir Einar Björnsson, stofnandi og skipuleggjandi hátíðarinnar. „Þetta gerist ekki af sjálfu sér og við fjölskyldan erum öllum afar þakklát. Net þeirra sem koma að því að gæta öryggis og velferða gestanna okkar, gleði þeirra og þörfum er ansi umfangsmikið þegar allt er upp talið og þakklætið er mikið þegar hlutirnir ganga svona vel.“
