Ungur breskur maður, Ben Parsons, varar fólk við að vera með skartgripi þegar það er í sólbaði. Hann var með hálsmen á meðan hann sleikti sólina í Suður-Frakklandi og áttaði sig allt of seint á mistökunum.
Ben var í fríi með fjölskyldu sinni og áttaði sig ekki á því hversu sterk sólin var þar sem vindurinn var að kæla hann niður. The Sun greinir frá.
Hann sofnaði á ströndinni og var þar í sex klukkutíma, hann bar aðeins einu sinni á sig sólarvörn og þegar hann var á leið frá ströndinni áttaði hann sig á því að það væri eitthvað að. Hann var illa brenndur en langverst á hálsinum, þar sem hálsmenið hafði endurvarpað sólinni „eins og laser geisla“ og skaðbrennt hann svo illa að hann var með fullt af blöðrum frá höku og niður.
Skjáskot af Twitter færslu LadBible, en þar má sjá brunasárið á hálsinum.Hann var rúmfastur í fimm daga vegna brunasáranna og var sársaukinn ólýsanlegur. Hann sagði þetta hafa eyðilagt fríið og nú vilji hann vara aðra við að gera ekki sömu mistök.
The Sun birti fleiri myndir af brunanum, smelltu hér til að skoða.
