Rannsókn lögreglu á sorglegu slysi sem varð þriggja syni áhrifavaldsins Emilie Kiser að bana hefur leitt í ljós að faðir drengsins leit af honum í örfáar mínútur á meðan hann var að sinna yngri bróður hans sem er tveggja mánaða.

Hinn þriggja ára gamli Trigg fannst meðvitundarlaus í sundlaug við heimilið þann 12. maí síðastliðinn og lést hann á sjúkrahúsi sex dögum síðar.

Sjá einnig: Áhrifavaldur missti þriggja ára son sinn í hörmulegu slysi

Emilie nýtur mikilla vinsælda á samfélagsmiðlum þar sem um fjórar milljónir manna fylgja henni.

The Arizona Republic greinir frá því að Emilie hafi ekki verið heima þegar slysið varð og var unnusti hennar og barnsfaðir, Brady, einn með sonum sínum.

Sá eldri var að leik úti í garði og sagðist Brady hafa þurft að sinna yngri drengnum innandyra. Ekki hafi liðið nema 3-5 mínútur sem hann leit af Trigg en í millitíðinni hafi hann dottið ofan í sundlaugina þar sem hann gat sér enga björg veitt.

Lögregla hefur óskað eftir heimild til að fara yfir myndefni úr eftirlitsmyndavélum á heimilinu sem ættu að geta staðfest frásögn Brady.