Leikstjórinn Rob Reiner og eiginkona hans, Michele Singer Reiner, voru myrt á heimili sínu í Los Angeles þann 14. desember. Sonur þeirra, Nick Reiner, situr í varðhaldi grunaður um verknaðinn.
Vitni hafa greint frá því að Nick hafi átt hávaðarifrildi við foreldra sína kvöldið fyrir morðin í fögnuði sem var haldinn hjá grínistanum Conan O’Brien. Vitni greina frá því að Nick hafi verið í töluverðu ójafnvægi og hafi öðrum gestum staðið uggur af honum. Að sögn TMZ hafði Nick nýlega byrjað á nýjum lyfjum við geðklofa og að sögn heimildarmanna fór hegðun hans að verða meira vanstillt í kjölfarið.
US Weekly greinir frá því að í gegnum árin hafi lögreglan ítrekað verið kölluð að heimili hjónanna vegna ofbeldis í nánu sambandi, en talið er að þar hafi Nick verið að ráðast á foreldra sína. Útköllin áttu sér stað árið 2013, 2014, 2017 og svo í tvígang árið 2019.
Rob og Michele höfðu talað opinskátt um erfiðleika sonar síns, en hann hafði lengi glímt við fíknisjúkdóm. Nick fór í sína fyrstu meðferð aðeins 15 ára gamall.
Mál ákæruvaldsins gegn Nick verður þingfest í janúar.
