Myndband sem Dominos á Íslandi birti á TikTok á mánudaginn hefur vakið nokkra athygli. Uppistandarinn Þórhallur Þórhallsson veltir fyrir sér hvers vegna engum datt í hug að stöðva þetta myndband í ljósi þess að um matsölustað er um að ræða.
Myndbandinu er klárlega ætlað að vera fyndið en þar má sjá starfsmann Dominos standa spenntan yfir nýbakaðri pitsu þegar annar starfsmaður kemur að og af myndbandinu má ráða að hann hafi stungið einum fingri í pitsuna sjálfa en öðrum fingri í afturenda hins starfsmannsins.
Uppfært: Dominos Ísland hefur nú eytt umræddu myndbandi af TikTok.
@dominos_iceland Juicy🤤 #dominosiceland ♬ original sound – Domino’s á Íslandi
Í athugasemdum við myndbandið bregðast nokkrir við með myndrænum hætti til að lýsa yfir ofboði. Uppistandarinn Þórhallur Þórhallsson birti sjálfur myndband á Instagram þar sem hann bendir á að mögulega sé svona brandari ekki viðeigandi fyrir skyndibitastað.
„Var enginn, ekki sá sem var á símanum eða þeir sem voru að leika í sketsinum, þeir sem voru í kring að vinna þarna eða þeir sem sjá um markaðsmálin, bara einhver, var engum sem datt í hug: „Hmm, kannski ekki sniðug hugmynd, þar sem við erum með vöru sem tengist mat, að tengja hana núna við rassapot?“ Eða þúst, ég veit það ekki. Dominos, nennið þið plís að kaupa hanska handa þessum gaur. Plís, kaupið hanska og látið hann bara svara í símann eða eitthvað, ekki gera pitsur.“
View this post on Instagram
