Rithöfundurinn Mark Manson hefur verið giftur eiginkonu sinni Fernanda Neute í tæpan áratug. Þegar þau gengu í það heilaga heyrðu þau sama ráðið aftur og aftur.

Manson, sem skrifaði meðal annars vinsælu bókina The Subtle Art of Not Giving a F*ck segir frá þessu í hlaðvarpsþætti Chris Williamson.

„Allt eldra fólkið gaf nákvæmlega sama ráðið,  hjón sem hafa verið saman í 40, 50 og 60 ár, sem er: Settu vináttuna í forgang,“ sagði Manson.

Hann útskýrði nánar:

„Þau sögðu öll: Þú ert giftur núna, það verða góð ár og slæm ár. Það verða rómantísk tímabil og tímabil þar sem er engin rómantík, stundum verður erfitt og stundum ekki. En settu vináttuna í forgang, því það kemur þér í gegnum þetta allt saman. Allt annað kemur og fer, þar á meðal þolinmæðin. En ef þið eruð ekki vinir þá áttu ekki eftir að hafa þolinmæðina til að bíða.“

@chriswillxHow To Have A Successful Marriage 19 Raw Lessons To Not Mess Up Your Life – Mark Manson (4K)

♬ original sound – Chris Williamson