Gatwick flugvöllur, sem er næst stærsti flugvöllur Bretlands, hefur verið útnefndur sá versti í landinu samkvæmt nýrri úttekt alþjóðlega fyrirtækisins AirHelp. Flugvöllurinn, sem sinnir að meðaltali yfir 100.000 farþegum á dag, lenti í 235. sæti af alls 250 flugvöllum sem teknir voru fyrir í alþjóðlegu mati sem birt var í byrjun júlí.
AirHelp-mælingin tekur mið af þremur lykilþáttum: stundvísi flugferða, gæðum þjónustu og viðbrögðum við kvörtunum. Gatwick fékk slaka einkunn í öllum flokkum, en flugfarþegar kvarta iðulega undan löngum töfum, lélegum aðbúnaði og háum kostnaði við bílastæði við flugvöllinn.
Heathrow, stærsti flugvöllur Bretlands, stendur sig heldur ekki vel og endaði í 178. sæti listans. Þetta vekur áhyggjur um víðtæk kerfisvandamál í flugvallakerfi Bretlands, þar sem einnig má finna Manchester- og Birmingham-flugvelli neðarlega á listanum.
Ljósari punktar í skýrslunni fyrir ferðamannaiðnaðinn í Bretlandi voru að minni flugvellir á borð við Johnn Lennon-flugvöll í Liverpool John Lennon og London City-völlurinn náðu nokkuð góðum árangri og þóttu bæði skilvirkir og þægilegir fyrir ferðafólk.
