„Ég var í búð um daginn. Þetta er rosa skrýtin búð, hún selur aðallega heita potta og svo selur hún líka svona hitt og þetta sem er sniðugt, svona sem köllum finnst sniðugt. Eins og til dæmis skó sem eru bara svona 180 prósent vatnsheldir,“ segir Haukur í Tveir kallar.
„Það var karl sem kom þar inn að máta svona skó, ég held að þetta sé vinsælt hjá svona iðnaðarmönnum. Það var verið að afgreiða hann og hann sagði við félaga sinn, sem var með honum, leit líka út fyrir að vera svona iðnaðarmaður, var í þannig fötum: „Heyrðu, hérna, hvað sagði konan aftur að ég notaði í skóstærð?“
Haukur og Þorsteinn V. Einarsson, kynjafræðingur og hinn stjórnandi þáttarins, skella upp úr.
Sjá einnig: Haukur les upp bréfið sem hann sendi á Hildi Lilliendahl og skammast sín fyrir – „Var þetta í alvörunni ég?“
„Ekki nóg með það að hann er búinn að lifa í… ég veit ekki, hann leit út fyrir að vera svona 45 ára, og búinn að vera með sömu fætur eiginlega allan tímann. Veit ekki númer hvað hann notar af skóstærð, konan hans vissi það, hann gat ekki munað það, þannig vinur hans var ábyrgur fyrir því að muna hvað konan hans hafði sagt hvað hann ætti að nota í skóstærð. Mér finnst þetta frekar fyndið. Þetta er dæmigert, þetta er lýsandi,“ bætir Haukur við.
„Jesús minn, pældu í því að vera… hvað er að okkur,“ segir þá Þorsteinn.
