Stórleikarinn kanadíski Donald McNichol Sutherland er látinn 88 ára að aldri eftir löng veikindi. Hann lætur eftir sig eiginkonuna Francine Racette, fimm uppkomin börn.

Sonur hans, leikarinn Kiefer Sutherland, tilkynnti andlát föður síns í yfirlýsingu:

„Það er með þungum hug sem ég tilkynni að faðir minn, Donald Sutherland, er látinn. Ég persónulega lít á hann sem einn mikilvægasta leikarann í sögu kvikmyndarinnar. Ekkert hlutverk var honum ómögulegt, gott, slæmt eða ljótt. Hann elskaði vinnuna sína og vann við það sem hann elskaði og enginn getur beðið um meira en einmitt það. Þessu lífi var vandlega lifað“

Sutherland kom víða við á löngum ferli sínum. Hann reis á stjörnuhimininn á sjöunda áratug síðustu aldar í myndum á borð við The Dirty Dozen og M*A*S*H. Hann var líka þekktur fyrir myndir á borð við Ordinary People, Animal House, Invasion of the Body Snatchers, The Italian Job og Pride & Prejudice.

Hann lék eins í þríleiknum Hungurleikarnir þar sem hann fór með hlutverk forsetans Snow. Allt í allt fór hann með rétt tæp 200 hlutverk á verli sínum.

Hann hlaut fjölda viðurkenninga fyrir leik sinn, svo sem Emmy verðlaunin, Golden Globe og Critics Choice. Það var lífseigur brandari að hann væri einn besti leikarinn til að hafa aldrei hlotið tilnefningu til Óskarsverðlaunanna, en úr því var bætt áður 2017 þegar honum voru veitt heiðursverðlaunin á Óskarshátíðinni.

Hann var ötull talsmaður friðar og baráttumaður gegn hernaði. Hann veigraði sér ekki við að gagnrýna hernað Bandaríkjanna á erlendri grundu og var fyrir vikið skráður á eftirlitslista bandarísku öryggisstofnunarinnar NSA.

Sutherland náði, áður en hann lést, að klára æviminningar sínar, bókina Made Up, But Still True, sem átti að koma út á næstunni.