Grínistinn Bob Newhart, sem var frægur fyrir sviplausa (e. deadpan) brandara sína, er látinn 94 ára að aldri. Frá þessu greinir upplýsingafulltrúi hans.

Hann lést í morgun eftir stutt veikindi. Upplýsingafulltrúinn, Jerry Digney, kallar andlát grínistans kaflaskil í sögu grínsins.

Newhart hóf feril sinn eins og svo margir aðrir í uppistandi en síðar færði hann sig á stóra skjáinn þar sem hann lék helst í sjónvarpsþáttum. Hann hefur fengið fjölda viðurkenninga. Svo sem Grammy-verðlaunin, Emmy-verðlaun og Golden Globe-verðlaun. Árið 2002 fékk hann Mark Twain verðlaunin fyrir framlag sitt til bandarísku grínsenunnar.

Síðustu ár lék hann í gamanþáttunum Big Bang Theory þar sem hann lék sjónvarpsvísindamanninn Professor Proton.

Hann lætur eftir sig fjögur börn og tíu barnabörn, en eiginkona hans, Ginnie Newhart lést í fyrra.