Knattspyrnukappinn Heiðar Helguson hefur fjárfest í nýrri glæsilegri íbúð í glænýju fjölbýlishúsi við Álalind. Heiðar gekk frá kaupunum í apríllok en um er að ræða íbúð sem er heilir 203,6 fermetrar að stærð.

Kaupverðið eignarinnar er 107 milljónir króna.

Smartland greindi frá því í lok mars að Heiðar hefði sett glæsilegt 270 fermetra einbýlishús sitt við Sporðagrunn í Reykjavík á sölu og var ásett verð um 150 milljónir króna. Eignin glæsilega seldist á skömmum tíma og nú hefur Heiðar fundið sér framtíðarheimili.

Þetta eru ekki einu stóru breytingarnar í lífi kappans en hann hætti nýlega með unnustu sinni Mariam Sif Vahabzadeh og er því maður einsamall eins og sakir standa.

Heiðar átti glæsilegan atvinnumannaferil þar sem hann raðaði inn mörkum fyrir Watford, QPR og fleiri lið. Þá lék hann 55 A-landsleiki fyrir Íslands hönd.

Hann hefur ekki sagt skilið við knattspyrnuna en hann gekk til liðs við þjálfarateymi Lengjudeilarliðs Kórdrengja á þessu ári.