Sólrún segir frá þessu á Instagraminu sínu en þar kemur fram að hún sé beðin í hverri einustu viku um að deila innkaupalistanum með fylgjendum sínum. Hún segir síðan frá ástæðunni fyrir því að hún sé hætt að deila listanum vinsæla.
„Fólk leyfði sér alltof mikið að skipta sér af því hvað ég var að kaupa. Stoppa mig í búð ef ég skaust í miðri viku að kaupa eitthvað sem vantaði eða kommentaði á það ef við keyptum take away eða fórum út að borða.“
Hún segir þetta hafa verið alltof persónulegt en henni finnst hún deila alveg nógu miklu með fylgjendum sínum.
„Mér var alltaf farið að kvíða fyrir að fara í búðina. Mér finnst ég deila alveg nógu miklu með ykkur tengt mat og aðferðum sem við notum og ég get alveg svarað algengustu spurningunni.“
Samkvæmt Sólrúnu er algengasta spurningin varðandi verðið á innkaupunum fyrir vikuna en fyrir þessa vikuna kostuðu innkaupin 14.500kr
„Ég veit að enginn meinar neitt illt en of mikil afskiptasemi getur verið yfirþyrmandi.“
