fbpx
Sunnudagur 30.nóvember 2025
Eyjan

Þetta starfaði starfsfólk skrifstofunnar við áður en þau voru ráðin til Eflingar – „Þau eru ekki „óvinurinn““

Eyjan
Sunnudaginn 1. maí 2022 15:00

Ekki missa af Helstu tíðindum dagsins í pósthólfið þitt

Lesa nánar

Valgerður Árnadóttir, starfsmaður skrifstofu Eflingar, segir mál að linni hvað varði ásakanir Sólveigar Önnu Jónsdóttir, formanns Eflingar, og stuðningsfólks hennar um meinta sjálftöku starfsmanna skrifstofunnar og meiningar um að starfsfólkið hafi engan skilning á raunveruleika verkafólks.

Hún vekur athygli á þessu á Facebook og deilir þar upptalningu á störfum sem starfsfólkið gegndi áður en það kom til starfa á skrifstofunni.

„Þar sem Sólveig Anna og hennar stuðningsfólk hættir ekki að tala um starfsfólk skrifstofu Eflingar sem „millistéttarfólk sem engan skilning hefur á raunveruleika verkafolks“ þá spurði ég starfsfólk við hvað það starfaði áður en það kom til starfa á skrifstofu Eflingar. 

  1. Umönnun í þjónustuíbúðum aldraðra (kvk)

  2. Leikskólaleiðbeinandi og þrif (erlend kvk)

  3. Unnið hjá Eflingu við að þjónusta félagsmenn frá skólalokum (kvk)

  4. Ræsting og afgreiðsla í verslun (erlend kvk)

  5. Blaðamaður og stundakennari (kk)

  6. Hótelþerna og umönnun á hjúkrunarheimili (erlend kvk)

  7. Þjónn og verslunarstörf (erlend kvk)

  8. Skrifstofustörf (kvk)

  9. Leikskólaleiðbeinandi (kk)

  10. Viðburðastjórn og kaffibarþjónn (kvk)

  11. Launafulltrúi (kvk)

  12. Ýmis skrifstofustörf (erlend kvk)

  13. Afgreiðsla í verslun (kvk)

  14. Skólaliði og þjónn (kvk)

  15. Við sorphirðu (kvk)

  16. Mannauðsfulltrúi (kvk)

  17. Grafísk hönnun (kvk)

  18. Þjónustufulltrúi í ferðaþjónustu (erlend kvk)

  19. Strætóbílstjóri (erlend kvk

  20. Tjónafulltrúi (erlend kvk)

  21. Túlkur og þjónustufulltrúi (erlend kvk)

  22. Unnið öll störf innan stettarfélags, frá ræstingum að kjaramálafulltrúa (kvk)

  23. Sjálfstætt starfandi heimildamyndagerð (kvk)

  24. Kokkur (kk)

  25. Leikskólaleiðbeinandi (erlend kvk)

  26. Móttökuritari (erlend kvk)

  27. Fiskvinnsla og þrif (erlend kvk)“

Valgerður segir að í þessari upptalningu séu aðeins tekin fram síðustu störf sem fólkið gegndi áður en það var ráðið til Eflingar.

„13 þessara starfsmanna eru konur af erlendum uppruna, í allt svöruðu 24 konur og 3 menn. 

Mörg þau sem hafa menntað sig og unnu ekki verkamannastörf rétt áður en þau komu til Eflingar eru samt af verkafólki komin og hafa unnið ýmis störf í gegnum lífið.“ 

Valgerður segir það orðið þreytt að Sólveig Anna reyni að „etja saman“ verkafólki og millistéttarfólki og „ljúga til um bakgrunn, reynslu og þekkingu starfsfólks á skrifstofunni og saka starfsfólk um „sjálftöku“ og að „vilja taka yfir félagið“.“

„Það er ekkert hæft í þessum ásökunum og mál að linni. Starfsfólk stéttarfélaga er ekki hálaunafólk og þau eru ekki „óvinurinn“. 

Hópuppsagnir stéttarfélags hefur áhrif á starfsöryggi alls launafólks á landinu. Hafið það í huga í dag.“ 

Sjá einnig: Valgerður er frænka Sólveigar Önnu og fékk uppsagnabréf hjá Eflingu – „Vanvirðing við okkur starfsfólkið er fordæmalaus“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

EyjanFastir pennar
Fyrir 6 dögum

Steingerður Steinarsdóttir skrifar: Hrútskýring eða listin að gefa óumbeðnar útskýringar

Steingerður Steinarsdóttir skrifar: Hrútskýring eða listin að gefa óumbeðnar útskýringar
Eyjan
Fyrir 6 dögum

Gallupkönnun: Yfirgnæfandi meirihluti vill rannsóknarnefnd á störf sérstaks saksóknara í hrunmálum

Gallupkönnun: Yfirgnæfandi meirihluti vill rannsóknarnefnd á störf sérstaks saksóknara í hrunmálum
Eyjan
Fyrir 1 viku

Illugi agnúast yfir mynd af Kristrúnu – „Myndin sjálfkrafa einskis virði“

Illugi agnúast yfir mynd af Kristrúnu – „Myndin sjálfkrafa einskis virði“
Eyjan
Fyrir 1 viku

Guðrún gagnrýnir að til skoðunar sé að rukka Bláa lónið og fleiri fyrir varnargarðana – „Það eru kaldar kveðjur“

Guðrún gagnrýnir að til skoðunar sé að rukka Bláa lónið og fleiri fyrir varnargarðana – „Það eru kaldar kveðjur“
EyjanFastir pennar
Fyrir 1 viku

Thomas Möller skrifar: Sögueyjan Sikiley

Thomas Möller skrifar: Sögueyjan Sikiley
Eyjan
Fyrir 1 viku

Jón Guðni Ómarsson: Ísland mjög vel sett miðað við önnur lönd

Jón Guðni Ómarsson: Ísland mjög vel sett miðað við önnur lönd