Nýjasta útspil auglýsingadeildar Ríkisútvarpsins er að bjóða auglýsendum að kaupa brandara til þess að létta lundina landans í ljósi nýjustu vendinga í baráttunni gegn kórónuveirufaraldrinum.
„Mér finnst þetta ekki í lagi,“ sagði ónefndur fyrirtækjaeigandi sem deildi tilboðinu með DV, en það barst um leið og að þau tíðindi að smitum fjölgaði ört og möguleiki væri á að sóttvarnaraðgerðir yrðu hertar. Vildi viðkomandi meina að slíkar markaðshugmyndir hæfðu betur á einkareknum ljósvakamiðlum en á Ríkisútvarpinu
„Við vorum að hugsa um að létta lundina aðeins á landanum í kjölfarið á tíðindum um Covid og setja út í loftbylgjurnar á Rás 1 og Rás 2 stutta brandara og glens. Ágæt leið til að minna á fyrirtækið með jákvæðni, það er skrítla lesin (svo kallaður one-liner brandari) og endað á „Eigið skemmtilegan dag“ og síðan er nafn fyrirtækisins lesið upp,“ segir í tilboðinu góða.
Fyrirtæki sem myndu skella sér á tilboðið yrðu þá með brandara dagsins sem lesinn yrði upp á hverjum degi, fjóra daga í röð. „Verð er einungis 29 þúsund krónur án vsk.“ segir að lokum í tilboðinu.
Viljið þið skoða að vera með í þessu verkefni?
