Héraðsdómur Reykjavíkur hafnaði kröfu Lilju Alfreðsdóttur, mennta- og menningarmálaráðherra um að ógilda úrskurð kærunefndar jafnréttismála vegna ráðningar ráðuneytisstjóra í menntamálaráðuneytið.
Kærunefnd komst að þeirri niðurstöðu að Lilja hefði brotið gegn jafnréttislögum þegar hún réð Pál Mágnússon sem ráðuneytisstjóra árið 2019.
Kærunefnd mat að Hafdís Helga Ólafsdóttir, sem einnig sótti um starfið, hafi verið Páli hæfari og ekki hefði tekist að sýna fram á að aðrar ástæður en kynferði hafi legið því til grundvallar að velja karlmanninn Pál fremur en konuna Hafdísi.
Páll var lengi virkur í Framsóknarflokknum, flokki Lilju, og hafði meðal ananrs starfað sem aðstoðarmaður ráðherra og bæjarritari Kópavogs.
Lilja ákvað að kæra niðurstöðu jafnréttisnefndar en til þess þurfti hún að stefna Hafdísi, en það vakti nokkra athygli að ráðherra færi í mál gegn einstakling sem hið opinbera hefði þar að aukið brotið á samkvæmt úrskurði kærunefndar. En um enga aðra leið var að ræða fyrir Lilju til að freista þess að fá úrskurðinum hnekkt. Úr þessu hefur nú verið bætt með lagabreytingu og framvegis verður hægt að höfða mál gegn kærunefndinni sjálfri.
Taldi Lilja að lagalegur annmarki væri á úrskurði kærunefndarinnar og þyrftu dómstólar að fella efnislegan dóm um málið.
En Héraðsdómur hefur hafnað því að um annmarka hafi verið að ræða og úrskurður kærunefndar stendur því óhreyfður.
Þar að auki þarf ríkið að greiða málskostnað Hafdísar, alls 4,5 milljónir króan.
