Kannski á hún að vera spaug þessi mynd sem birtist í auglýsingu um stofnfund Félags sjálfstæðismanna um fullveldismál – sem halda á í Valhöll 1. desember.
Þarna stendur gjörvilegur karlmaður, mjög norrænn, við klettabrún á Þingvöllum en aftar glittir í stríðsmann, líkt og úr Íslendingasögunum, en fyrir aftan hann er karl með biskupsmítur og staf. Þetta mjög sterkt myndmál – yfirskriftin er svo Frjáls þjóð í frjálsu landi – en það er spurning hvort skilaboðin séu nútímaleg. Ekki geri ég mér grein fyrir því hvaðan myndin er komin, en hún er kannski ekki sérlega heppileg.
Heyrði ég orðin feðraveldi eða karlaveldi?
