Knarr Maritme er nýstofnað markaðsfyrirtæki á sviði skipalausna. Að fyrirtækinu standa íslensku fyrirtækin Skaginn 3X, Nautic ehf., Kælismiðjan Frost ehf., Brimrún ehf., Naust Marine ehf. og Verkfræðistofan Skipatækni ehf.
Fyrirtækin sex hafa átt í talsverðu samstarfi á undanförnum árum og má þar nefna samstarf við hönnun, smíði og uppsetningu vinnslustöðva innanlands og utan auk þess sem þau taka flest svipaðan þátt í smíði þeirra skuttogara sem hafa verið og eru nú í smíðum fyrir íslensk sjávarútvegsfyrirtæki.
Fyrirtækin munu hvert um sig koma að hönnun og smíði á afmörkuðum þáttum sem ýmist verða smíðaðir af fyrirtækjunum sjálfum eða undirverktökum þeirra. Stjórmarformaður Knarr Martitume er Finnbogi Jónsson en Haraldur Árnason er nýráðinnframkvæmdastjóri.
Alfreð Tuliníus, framkvæmdastjóri Nautic ehf., segir að sameiginlega séu fyrirtækin sem standa að Knarr Maritme mun öflugri markaðslega en hvert í sínu þó ekki verði þau sameinuð.
,,Þar má nefna ýmsar sameiginlegarlausnir sem verða nú auðveldari með breiðari yfirsýn sem og að leysa ýmis tæknileg mál, enda eru fyrirtækin sem standa að Knarr Maritme öll með góðar lausnir, hvert á sínu sviði,“ segir Alfreð Tuliníus.
