Lilja Dögg Alfreðsdóttir þingmaður og varaformaður Framsóknarflokksins tók sterklega til orða á þingi í morgun í kjölfar orða Jónu Sólveigar Elínardóttur þingmanns Viðreisnar og formanns utanríkismálanefndar Alþingis. Í svari sínu við spurningu Rósu Bjarkar Brynjólfsdóttur þingmanns Vinstri grænna sagði Jóna Sólveig að Guðlaugur Þór Þórðarson utanríkisráðherra væri í öðrum flokki en hún, flokki sem talaði fyrir áfram­hald­andi auka­að­ild að Evr­ópu­sam­band­inu í gegnum EES:

…en ég er í Við­reisn sem er galopin fyrir því að kanna og kynna síðan fyrir lands­mönnum þá kosti sem fylgja fullri aðild að ESB, og leyfa þjóð­inni síðan sjálfri að velja hvað hún vill gera í þeim efn­um,

sagði Jóna Sólveig. Lilja sagði þetta óboðlegt:

„Það er með al­gjörum ólík­ind­um, að for­maður utan­rík­is­mála­nefndar komi hér í pontu og geri hrein­lega lítið úr stefnu utan­rík­is­ráð­herra þjóð­ar­innar hvað þennan mála­flokk varð­ar. Væri ekki miklu heið­ar­legra af Við­reisn að segja sig frá þessu rík­is­stjórn­ar­sam­starfi? Mér finnst þetta óboð­leg­t,“

sagði Lilja. Jóna Sólveig svaraði að það skipti málið að ólíkum sjónarmiðum flokka væri haldið á lofti í þingsal og að stefna utanríkisráðherra hamlaði ekki hennar málfrelsi. Lilja sagði það sjálfsagt en það væru hrein og bein kosningasvik að flokkur eins og Viðreisn hafi talað um það fyrir kosningar að vilja inn í ESB en þegar á hólminn væri komið væri ekki að sjá að stefnumál Viðreisnar hefðu ratað inn í stjórnarsáttmálann, kölluðu þá þingmenn Viðreisnar en Lilja svaraði því með:

Það er rosa­leg við­kvæmni hérna. Þing­menn Við­reisnar koma hingað og leyfa ekki við­kom­andi þing­manni að klára mál sitt. Það sýnir að maður snertir við ein­hverjum afskap­lega við­kvæmum bletti. Það er auð­vitað ekki nógu gott fyrir hátt­virta þing­menn Við­reisn­ar.

Tímaspursmál hvenær Lilja verður formaður

Greint var frá þessum umræðum í hádegisfréttum RÚV og skrifar Össur Skarphéðinsson fyrrverandi utanríkisráðherra af því tilefni á Fésbók:

„Hirting“ er vísast orðið sem má nota um meðferð Lilju Daggar Alfreðsdóttur á annars ágætum og upprennandi þingmanni Viðreisnar í fréttum RÚV í hádeginu. Maður sá stundum svona takta í borgarstjórn fyrr á árum þegar þar var á dögum klóbeittur fulltrúi Framsóknar sem yfirleitt lét menn í friði nema hann væri áreittur,“

segir Össur, bætir hann við:

Lilja er annars einn örfárra þingmanna, og sá eini nýi, sem virðist hafa pólitískt bit. Sigmundur Davíð býr að vísu yfir burðum til að snúa þinginu á hvolf hvenær sem hann vill en það er einsog hann nenni því ekki. – Það er ekki óhugsandi að Framsókn fikri sig upp á skynsemdarrófinu og þá er einungis tímaspursmál hvenær Lilja verður formaður.