Seyðisfjarðarlistinn stóð fyrir könnun á dögunum og tóku rúm 30% kosningarbærra þátt í henni, samkvæmt upplýsingum frá aðstandendum hennar. Laut hún aðallega að spurningum um vilja til skoðunar á sameiningu við önnur sveitafélög og jarðgangnagerð. Helstu niðurstöður könnunarinnar voru að um 84% svarenda vill að farið verði í að skoða kosti og galla sameiningar við önnur sveitarfélög og tæplega 86% þeirra vildu að horft yrði til Fljótsdalshéraðs í því augnamiði.
Um 98% svarenda töldu að jarðgöng til Seyðisfjarðar skiptu miklu máli fyrir framtíð samfélagsins og 81% að þau skiptu máli fyrir búsetu viðkomandi á Seyðisfirði. Af þessum svörum má sjá að vilji Seyðfirðinga stendur til að kannaðir verði kostir þess og gallar að við sameinumst öðru sveitarfélagi og Fljótsdalshérað sé helsti kosturinn í því samhengi.
