Þetta eru athyglisverðar tölur. Í Noregi vex stöðugt hlutfall rafmagnsbíla og fyrr á þessu ári náði það 37 prósentum af bílasölu. Þetta eru meðal annars bílar frá Hyundai, BMW, Volvo, Volkswagen og Tesla. Jafnvel er talið að innan skamms verði meirihluti bifreiða sem eru seldar í Noregi rafknúnar.

Á sama tíma eru Íslendingar í skýjunum vegna opnunar nýrrar bensínstöðvar þar sem dropinn er ódýrari en áður hefur þekkst í landinu.

Til samanburðar við þetta birti vinur minn á Facebook þessa töflu um nýskráningar bifreiða á Íslandi. Af 2551 nýjum bílum eru sárafáir raf- og tvinnbílar. Þetta eru upplýsingar Samgöngustofu frá 1. maí. Bensín og díselbílar eru í algjörum meirihluta – það er ljóst að þarna erum við miklir eftirbátar Norðmanna. Hlutfall hinna mengandi díselbíla er furðulega hátt.

Samt er, eins og Fésbókarvinurinn bendir á, raforka hræódýr hér og vegalengdir stuttar milli staða.